حمام الدوح ظل يبجي اعله حالي
كتله الكتاب تسلمه للغوالي
يطير اترد عليه ... كبل جيت المنيه
************
يطير الراف بجناحك دكرب
واخذ الكتاب للعني تغرب
واخذها اوياك دمعاتي من انحب
واشوفه الطير من حالي تعجب
واسمع الطير يون ونه شجيه... عكب الأحباب يرق كلبه عليه
واهدنه مديه ... كبل جيت المنيه
**************
يطير ارجاك اخذ كتابي وياك
وبيد حسين انته اتسلمه اهناك
وعليلتكم تكله بجدها تنخاك
يبويه حسين وحشه الدار بعداك
وفاطم اتكول مته ايعودون كلهم ... شاغت الروح يطير والله بعدهم
وتكله اشصار بيه ... كبل جيت المنيه
***********
تشوف حسين وتقبلي ايده
وتكلله عليلتكم وحيده
وشوفك يا ابو اليمه تريده
قريبه ردتك لو لا بعيده
بنحره ياطير تقبله وبجبهته ... كرة العين تكله اعتاب بته
وتسلمله الوصيه ... كبل جيت المنيه
***********
يطير ارجوك والله انهدم حيلي
يطيراتروح بوصيتي لجفيلي
وبعد عباس لا ما نام ليلي
تكله فاطمه اتكول يجيلي
عمي عباس اريده ايعود اليه ... يجيب الأطفال ويشربني اميه
اريده بهل المسيه ... كبل جيت المنيه
****************
يطير لزينب اتوصل سلامي
امي وعمتي والكلب دامي
وكلها بغيبتج سوده ايامي
وزادت علتي وزادت آلامي
أسأل الدار يعمه آنه عنكم ... واجري ادموع بعد مارده منكم
وان ونه شجيه ... كبل جيت المنيه
***************
وبعد ياطير عبد الله تقبله
وجاسم من تصل بن عمي كله
بت عمك بكت اوحيده والله
والأكبر عليك الله تسأله
عفتو اهناك عليله منهو الها ... منكم اكتاب ابد لا ما وصلها
وتحشم اهل الحميه ... كبل جيت المنيه
ــــــــــــــــــــــــــــــــــــــــــــــــــ ــــــــــــــــــــــــــــــ
قاسم طاهر القاسمي
حمام الدوح ظل يبجي اعله حالي
العرض العادي
