[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

فاطمه إعليها إعتمادي ( في مولد الزهراء عليها السلام ) ــــــــــــــــــــــــــــــــــــــــــــــــــ ــــــــــــــــ
فاطمه إعليها إعتمادي === تحضر إوياي إبمعادي
ـــــــــــــــــــــــــــــــــــــــــــ
فرحتي الماكو مثلها == يـــــوم مولد فاطمه
نور شعشع بالأعالي == وإنتشر يملي السمه
واجب علينه نصـَلـّي == بالصـــــــلاة الدايمـــه
عالنبي والآل أهله == واليعـادي بالعـِمـَه
تحضر إبساعة مماتـي === فاطمه الشمعه إبحياتي
من نداء الحق ينادي === تحضر إوياي إبمعادي
ـــــ
بت محمد نور هلـّـتْ == هـَنـّوا أبوها المُصطفه
روحي صاحت من فرحها == كـُل ظلامـــي إختفـــــــــه
والگلب ناله شفــاءه == مو ذكرها بي شفه
آني حـَبـّيت الشفيعــــه == حُب صدگ عن معرفه
بضعة الهادي الزچيــّه === نعمـــــــة الله للبريّــــــه
للأبد إلهـــــــــا ودادي === تحضر إوياي إبمعادي
ــــ
نزلت الحور إبـْغـُسلها == نزلـــــت إبثوب الفرح
أشرف النسوان إجــَنْها == والنبـــــــي گلبه إنشرح
والخديجه وَلــّدَنهـــــا == والنظر إلها إنشبح
والكره بنت الرسالــه == مات وإنصاب إنجرح
واليحب فرحان هـَلــّل === والثرى هالصار أجمل
نظرة الزهره مُـــرادي === تحضر إوياي إبمعادي
ـــــــ
يـــِخـْسـَه من سمّاك أبتر == هُــوّ الأبتر يانبــــــــــــي
أنعم الله إعليك كوثر == نور يــِأبــَه يختبـــي
هذا نور أم المحاسن == بيـه يصعد مَنـــْصبي
وإنتشر بالكون يضوي == يـِحْمـلــَه المهدي الأبـي
يــِحْملـــَه المهدي إمامـــي === بس إلــَه حُبــّي إو سلامي
من يجي أرفع سوادي === تحضــر إوياي إبمعادي
ـــــــ
حُب شفيعتنه الزچيّه == بالحشـــر خير إو أمل
من علي ناخذ هويه == نكبر إبهذا العمـــــــل
يحضر إحسين المنيـــه == لو إجـــَه إو حل الأجل
خل يموت الناصبيــــه == خل يموت أهل الدجل
إحنــَه نمشي وإبدربهم === خل يموت المايحبهــــم
تطرد الصاروا أعادي === تحضر إوياي إبمعادي
ـــــ
صلــّي عالمرسول أحمد == دوم إذكر هيبتــــــــــــــه
هذا أبو الزهراء عَيـــّد == يوم مولد زهرتـــــــــــه
ما يشوف الخير ينهد == سور ناكر بضعتــــــــه
واليحبها إيعيش أسعد == لو رضاها غايتــــــــه
هاي ينبوع المكـــارم === والكرهها إيموت ظالم
بيها متعلــّق فــــؤادي === تحضر إوياي إبمعادي
ــــــــــــــــــــــــــــــــــــــــــــــــــ ــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldqjk24771.mp3.html

[عبدالله خلف العتابي]

صدقت ورب الكعبه ياجابر المبدع
كلنا نعتمد على شفاعة الزهراء(ع)
رزقك الله شفاعتها يوم الحشر والحساب
تلميذك المبتدا
عبدالله العتابي