[عاشق الامام الكاظم]

اخي الغالي
انك تحمل بحر من الاهات والاحزان
وبي ايعينك ويديم قلمك الفياض واهدي لك هذه الهدية

يالليل ماذكر في حياتي تمنيت
مثل ابتسامه تنتشل قلب منصاب



مليت ورب البيت يالليل مليت
من الجروح اللى تجيني بلا اسباب




تدري يالليل اني على الجرح غنيت
غنيت دمعه والصدى ضم الاهداب



تبي الحقيقه والصراحه ترجيت فرحه ولكن الزمن بالعطا خاب


يالليل قلي بدنيتي ويش سويت
حتى الهموم بداخلي تفتح ابواب



إن كان طيبي عيب ومشكلتي اوفيت
اموت صادق وارفض اعيش كذاب



طبعي كذا عن ميزتي ماتخليت
عندي مبادي دونها ترخص ارقاب



بيني وبينك ياكثر ماتعنيت
اركض بغرفه مغلقه مالها باب

غرفه وراها فرحتي دونها جيت
اركانها عتمه ولا حولي احباب

كاس الفراق المر منه تقهويت
انا اشهد إن الشوق يالليل غلاب

يالليل انا لاشفت ماعفت قفيت
اقفي ولو خلفي كثيرين الاصحاب



الا جروحي كل مارحت وقفيت
جانـي يحمــل صدتي لوم وعتاب


ماذكر ولو مره بحياتي تهنيت اضحك كذا و الصدق عن شفتي غاب

صارت دموعي ضيف وعيوني البيت ودايم تشوف من المناديل ترحاب



لاشفت شمس الصبح ليديك حنيت
في داخلك حبر القلم بالشقى ذاب



اسريك بالحالي واذا رحت ونيت
مابي تروح ودمعتي بين الاهداب


أكتب شعوري في ظلامك على ايت
ونورك ختم قصة عذابي على اب

يالليل قل لصبح اني تمنيت
بس ابتسامه تنتشل قلب منصاب