الي يريد الدراسه يجي العباس
مدارس اربعه فاتح والحسيـــن
واليــــريد الرئاسه يروح لبعيد
كلحنه خدم لم الميامين
------------
اول مدرسه يــــذكر التــــاريخ
علم المصطفى موجود بيــــهه
تعلمهه كبــــــل من علي الكرار
وهسه الناس كلهه تروح ليهه
فقه كل الاصول وحتى الفروع
من زغره وهو تـــربه عليــهه
وثاني مدرسه ربـــه يــتـــاماه
موش تــــروحله هو يــــجيهه
على البيبان يوكف سائل يصير
ابد ميــــريد هو يـــــحط بديهه
وثالث مدرسه تــــذهل الطلاب
وسيــعه وماتحدهه كل الحدود
موعلــــورق مكتوبه العبارات
كل طلابـــها تكتب على الجود
تكتـــب بألأصابع موش باقلام
واذا رادو مداد المــاي موجود
السبوره الفرات بلا طباشيـــر
والعبـاس شاله بس بــالزنود
بس عاف الدروس وهم للخيام
وكال السكنه لتصدكين ماعود
جبتلج ماي طول الدهر يكفيج
بس ماريـد دمعه تهل علخدود
ورابع مدرسه ويه الثالثه تصير
اسم واحد بـــنص الباب شفته
رسم للجود يسكي بكل الاجيال
وجوه الجود انــه الكافل اختـه
وعلى سياج المدارس راسم جفوف
وجف بالباب من شفته عرفته
جف جبير شفته وبيه مكتوب
أنا العباس جفي الاختي جبته
عهد وي حيدر الكرار اخذنــاه
وعهد وي زينب اني الي اخذته
وبقه جف علشريعه هناك موجود
لأجل الشيعه اني هناك عفتــه
العنده حوائج خليــجي اليـــوم
بس خادم يــجي لحسين ردته
انا بــاب الحوائج ماألي بــاب
حتى الكل يجيني بابي شلتـــه
القصيده ولدت توا
اسألكم الدعاء ان يتقبلها الله مني
وثوابها لكم والى كل شيعة امير المؤمنين عليه السلام
خادم اهل البيت
ابو ظاهر البركي
التعديل الأخير تم بواسطة ابو ظاهر البركي ! ; 27-11-2011 الساعة 06:58 PM.
الي يريد الدراسه يجي العباس
مدارس اربعه فاتح والحسيـــن
واليــــريد الرئاسه يروح لبعيد
كلحنه خدم لم الميامين
********
عظم ألله لك الأجر إستاذنا ابو ظاهر البركي
نعم هي مدرسة كما رسمتها
مديرها الأمام العباس
فأسأل ألله ان يجعلك من طلابها
الذين يفتخرون بتلك المدرسة
تلميذكم
ابوتكتم الخير
قصيدة المدارس لأبي الفضل العباس ع
العرض العادي
