[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

في إستشهاد أبو المهدي
ــــــــــــــــــــــــــــــــــــــــــــــ
نِعَزّﻳـــــﭻ يزهــــره بالحســــــن راح === مضه اليوم أبو المهدي العلم طاح
سامره إبحزن هاليوم وإبحســـــره === والشيعه تنادي إو تندب الزهره
نِعَزّﻳـــــﭻ يزهــــره بالحســــــن راح
ـــــــــــــــــــــــ
يمهدي نِنْتظر تحضر عزانـــــــه == مو إنتَ الأمل عدنه إو رجانه
من الناصبه كل شر إجانه == وإنتَ سيدي إلنَه الضمانه
يمهدي لفت لينه المصايب == ننادي يبو صالح يغايب
إظهرْ سيدي الظالم وضح غدره === والشيعه تنادي إو تندب الزهره
ـــــــــــــــ
على المسموم تجري إعيون عبره == راح العسكري مشعـــــول جمــــره
ما شاف الفرح مهموم عمره == نِعَزّﻳﭻ إبألــــم جينــــه يزهره
يزهره طُفَه ضَيّه ولينــــه == نِعَزّيه غايبنــه إجينــــه
نعزّي المصطفه بالعسكري إو أمره === والشيعه تنادي إو تنـــــدب الزهره
ــــــــــــــ
سامره إبحزن تعلن ألمهــــــــــا == طُفَه نور الولي إو طايح علمها
من إسم الحسن عالي إسمها == والهادي وضع إلها كرمهـــــــا
تظل دوم مزار إلنه إو مناره == لبو الغاب نجي إو تحله الزياره
لبو إمحمد نزوره إو ﻧﮔصد الحضره === والشيعه تنادي إو تندب الزهــــــره
ـــــــــــــــــ
رادوا طائفيه إتصيــــــــر بينه == نواصب كل معادي باع دينه
ظَلّوا بالفشل أخوان جينـــــه == ننادي العسكري إو نرفع إدينه
يمولاي تظل إنـــتَ أملنــــه == نِسِل سيف على الفَرّق شملنه
نظل طول العمر نهواها للعتره === والشيعه تنـادي إو تندب الزهره
ــــــــــــ
يبو صالح إلك نُنْطــــــر يغايب == تزيل إهمومنه إو تمحي المصايب
خلص عدنه الصبر من النواصب == يِكَفْرون اليحب حيدر يصاحــــــــب
إلَك دوم نظرنه ياإمامـــــي == يمن بيك ضياء إيحل ظلامي
يمن كل الخلايق تنتظر فجره === والشيعه تنادي إو تندب الزهره
ــــــــــ
مَتَه تنشر على الدنيه لواءه == أبــــو فاضل إباءك من إباءه
والكون الوسيع إيشع ضياءه == من نورك يشع يملي سماءه
يبو الجود إلك أعلن ولائي == وظل دوم نذر أنذر دمائي
وأعزّيك إبأبوك المايبس بحره === والشيعه تنادي إو تندب الزهره
ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dld4ev22565.mp3.html