[*أحمد الكعبي*]

وينك يعباس
يابو المرجله ميت هله بحماي خدري
يارافع الراس
يالراسك عَلهَ ابكل معظله أيناديك صبري
صولتك بالشام گوم وعيدهه
ورايتك عالگبه رفرف صيتهه
ياريحة الياس
شموا ريحتَك من رايتك عرفوك عندي

أنتي زينب بت علي شمس الشموس
وآنه خطاف النفوس أمن النفوس
غيرة الله أبحظّرتچ حارس يطوف
وسيفي تشهدله الملاحم والرئوس
أدعي من الله يرد أچفوفي
حته أركبهه وأرد بطفوفي
ياأم الأحساس
آنه أبمرقدچ ولخدمتچ عباس جندي

ياامامي وذخري ياكل الوفاء
الشام ياعباس صارت طف دماء
أجمعت خيل وعساكر والصفوف
على أحدودي وجنهه ردت كربلاء
وأنته صگار الزلم بأفواجهه
وخل تسيل أدمومهم بأمواجهه
الدرع والطاس
يتأمل ألك ولصارمك ومنين تبدي

اليوم أحط بالشام چويت سيفي
وعالعساكر موت أوزع أبكيفي
ضيف أحسبنه الگصد سوح القتال
حته يحظه أبموته من تشريفي
آنه سبع الگنطره أيعرفوني
يم حظرتچ لازم أيشوفوني
هذا أنه عباس
يعرفني الزمن وكت المحن ويخاف مني

أحمد الكعبي

[عبدالله خلف العتابي]

المبدع والرائع
الشاعر القدير
احمد الكعبي
احسنت ثم احسنت ثم احسنت
روعه وقمة الابداع تحياتي
المبتدا
العتابي