|
|
عضو جديد
|
|
رقم العضوية : 69741
|
|
الإنتساب : Dec 2011
|
|
المشاركات : 18
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
يابت كرار
بتاريخ : 13-12-2011 الساعة : 05:00 PM
القصيده للشاعر صباح نوري الكناني
--------------------------------------------------
يا بت كرار مأمونه الدار
يحمون الجاراخوتج يازينب
فكرج محتار ياخويه اشصار
يحمون الجاراخوتج يازينب
---------------------------------------------------------------
بمسيت الغاضرية اهموم بين الغربة والدمعه
وزينب بالخيام ادور شباب الهاشمي اتودعه
متكبعه بسواد الليل بكلب ما مستقر وضعه
يم حسين والعباس صوت اخوانهه اتسمعه
ياخوية انشوف لونج مخطوف
يحمون الجار اخوتج يازينب
كل احنه اسيوف لا يهمج خوف
يحمون الجار اخوتج يازينب
-------------------------------------------------------------
يمهه اخوتهه مجموعين وين وينه المخير
كلهم غيره كلهم زود حظروا يمهه فد محظر
صاحوا يالعقيلةاشصار نشوفج لونج اتغير
يابت حيدر اتخافين وسفه الخوف بيج ايمر
خوتج عدلين وسفة اتخافين
يحمون الجار اخوتج يازينب
وانتِ بكل عين لا يهمج بين
يحمون الجار اخوتج يازينب
-------------------------------------------------------------
احنه اللي نحامي الجار والجار انحفظ يمنه
لا يهمج يزينب بين وحنه الخايف انأمنه
ما دام النفس بالروح اشحده اليوصل اخيمنه
يزينب بخوتج تدرين دونج ينهدر دمنه
والدم مسفوح دونج والروح
يحمون الجار اخوتج يازينب
لا ما مسموح دمعج والنوح
يحمون الجار اخوتج يازينب
-----------------------------------------------------------
يم خيمتهه ملتميـــــــــــن خـــــــــــوان بفرد لمه
بصوت الخوه صاح حسين يختنه ومحله هالجلمه
بهونه اعله الكلب والعين اشوفج يختي مهتمه
تهون الشده لا تهمين عند اخوانج الهمه
كل شده اتهون خدرج مأمون
يحمون الجا ر اخوتج يازينب
وبيوم الكون ما يهتزون
يحمونالجار اخوتج يازينب
---------------------------------------------------
ضوه ابنص اخوته العباس نوره ايشع عله جبينه
من شاهد دمعهه ايسيل فاضت دمعته بعينه
رجف بدر العشيره أباس وهز الرايه بيمينه
تدنه اعله العقيله وصاح يزينب لا تعذبينـــــه
خوتج حراس واحنه اهل البأس
يحمون الجار اخوتج يازينب
نشيلج عالراس صاح العباس
يحمون الجار اخوتج يازينب
--------------------------------------------------
زينب تسئل العباس سؤال بدمعه ملهوفه
يابن والدي وشتكول هم خدرك اختك اتعوفه
جاوبهه بكلب محزون ومسح دمعتهه بجفوفه
بعيون الخدر محفوظ اخوج علومه معروفه
جاوبهه وكال دمعج همال
يحمون الجاراخوتج يازينب
عندج ابطال تخسه الاهوال
يحمون الجار اخوتج يازينب -----------------------------------------------
لخادم أهل البيت الشاعر ( صباح نوري الكناني )
| |
|
|
|
|
|
العرض العادي
